Kasar Venezuela ta jima tana fama da rikicin shugabancin tun bayan da jagoran adawa Juan Guaido ya ayyana kansa a matsayin shugaban kasa a farkon shekarar 2019, matakin da Shugaba Maduro ke ganin rashin mutunta tsarin dimukuradiyya ne.

Majalisar Dinkin Duniya ta ce akalla mutane 66 ne suka mutu a kasar sakamakon zanga-zanga a watannin biyar na farkon shekarar 2019, yayin da wani sabon rahoto ya bankado yadda jami'an tsaron gwamnati suka kashe mutane sama da 6,000 da gangan.