A sanarwa da ma'ikatar harkokin wajen Masar ta fitar, ta ce ta dauki wannan matakin garzayawa kotun ICC ne duba da yadda harin da Isra'ila ke ci gaba da kaiwa a Gaza ke hallaka fararen hula da basu ji ba su gani ba.

Sanarwar Masar ta kara da cewa Isra'ila na ci gaba da kai harinta ne a kan fararen hula da ma lalata ababen more rayuwa a Zirin.

Masar na daga cikin kasashen da ke fadi tashin ganin an cimma yarjejeniyar kawo karshen wannan yaki a tsakanin Isra'ila da Hamas.