Masu rajin kare muhalli 200 ne aka kashe a 2016
July 13, 2017![Ermordung Ashaninka Stamm Führer Tochter](https://static.dw.com/image/37805339_800.webp)
Talla
Rahoton ya zayyana sunayen kasashe inda lamarin yafi kamari. A kasar Brazil an kashe mutun 49, a Kolumbiya 37, a Philippines mutun 28, a kasar Indiya mutane 16 inda kungiyar mai zaman kanta ta ce su ne kasashen da aka fi samun kashe-kashen mutanen da ke fafutikar kariyar muhalli, adadin da kungiyar ta ce ya yi munin gaske, inda a shekara ta 2015 aka kashe mutane 185 masu fafutikar kare muhallin a duniya a wurare kamar na hakar mu'adinai, gandun daji, ko kuma cikin ruwa.
Masu fafutikar kariyar Muhalli dai a duniya na kara karuwa, sai dai kuma masu neman gurbata muhalli da ke adawa da hakan na yi musu daukan dauki dai-dai a fadin duniya, inda kungiyar ta Global Witness ta ce kashi 40 cikin 100 na mutanen an kashe su ne a yankunansu.