Matashiyar mai suna Janada dai ta rungumi wannan sana'a ta dinka kayan kawa na zamani, bayan da ta kamala karatunta na digiri, inda ta zabi ta nemi sana'ar da za ta dogara da ita maimakon jiran aikin gwamnati ko na kamfanoni. Wannan matashiya dai ta rugumi sana'ar aikin kayan da amare suka fi amfani da su a lokacin bikin aure wato Fashion Designer da Turancin Ingilishi. Matashiyar dai ta nunar da cewa tuni ta ce wannan sana'a na biya mata bukatunta da na iyalinta, koda yake ba a rasa kalubale.