Babban zauren Majalisar Dinkin Duniya (MDD) ya kada kuri'a da gagarumin rinjaye na neman Rasha ta janye daga kutsen da ta kaddamar a kan Ukraine, wajen tsaida fada da janye dakaru, matakin da zai mayar da Rasha saniyar ware idan ta yi kunnen kashi na kin mutunta kudirin.

Yayin kada kuri'ar kasashe mambobi 141 daga cikin 193 suka amince da wannan kudiri na Majalisar Dinkin Duniya lokaci zaman babban zaure na ba kasafai ba, da aka yi samakaon amincewa da haka daga Kwamitin Sulhu na Majalisar ta Dinkin Duniya. Lokaci na karshe da aka yi irin wannan taron gaggawa shi ne a shekarar 1982.