Sabbin dokokin da tawagar ta ce takunkumai ne aka sanya a kan mata, wanda kuma take ganin ka iya zama koma baya ga harkokin rayuwarsu ta yau da kullum da ma yancinsu.

A ranar Larabar da ta gabata ce hukumomin Taliban suka fidda dokokin da suka yi bayani a kan salon rayuwa, wanda kuma ake yi wa fasarar tsauraran shari'ar Musulunci.

Dokokin sun tanadi hukunce-hukunce masu tsauri ga duk wanda aka kama da laifin karyasu. Dokoki da dama a Afganistan sun hana mata zuwa makaranta da yin aiki har ma da  ziyarar shagunan gyaran jiki.