An naɗa tsofuwar shugabar ƙasar Chile Michelle Bachelet a masayin jagorar wata sabuwar hukuma ta Majalisar Ɗinkin Duniya da ake kira da suna ONU Femme domin kula da kyautata halin rayuwar mata a duniya.

Sanarwar naɗin wadda sakataren Majalisar Ɗinkin Duniya Ban Ki-Moon ya bayyana ya jinjina wa Bachelet dangane da ƙoƙarinta na neman sulhu.

Taron majalisar ne na watan satumban bara ya amince da a girka wannan sabon masayi wanda ke daidai da muƙamin sakataran majalisar.

A cikin watan Maris da ya gabata ne Bachelet ta bar muƙamin na shugabancin ƙasar ta Chile da ta yi sunan sosai akansa.

Mawallafi : Abdurahaman Hassane

Edita       :  Ahmad Tijani Lawal