Tun a ranar Juma'a ce dai, 13 daga cikin wakilan kwamitin sulhun 15 suka yi adawa da batun, saboda yunkurin na Washington ya sabawa ka'ida, ganin cewar tana amfani da tanadin yarjejeniyar da manyan kasashen duniya suka cimma da Iran kan shirin nukiliyarta a 2015, yarjejeniyar da Amurkan ta sa kafa ta shure shekaru biyun da suka shige.

Jakadan Indonesiya a MDD, kuma shugaban kwamitin sulhun na watan Augusta Dian Triansyah Djani, na martani ne kan tambayoyin Rasha da Chaina kan batun a lokacin da ake taro kan yankin Gabas ta Tsakiya.