A yayin da yake kaddamar da wani sabon rahoto a kan matsalar yaduwar makamai a Afirka, babban jami'in Majalisar Dinkin Duniya da ke kula da aikata laifuka, Francois Patuel, ya ce duk da cewa akwai hujjojin da ke nuna ana shigo da makamai daga Faransa da kuma Turkiyya zuwa Najeriya, amma bincikensu ya nuna cewa akasarin makaman da ke hannun kungiyoyi da dedekun jama'a ba bisa ka'ida ba, na fitowa ne ko dai ta hanyar cin nasara kan jami'an tsaro a fagen daga ko kuma ta hanyar sayar da makaman da wasu sojoji marasa kishi kan yi.

MDD ta ce safarar makamai zuwa ketare a kasar Libya ta ragu sosai a cikin shekaru 10 da suka gabata. Sai dai majalisar ta ce kasashen Saliyo da Laberiya na zama wasu karin kasashen da makamansu ke yawo a hannun mayaka a kasashen Sahel. Tuni dai majalisar ta bukaci gwamnatocin kasashen da su kara kaimi domin shawo kan wannan matsalar.