Majalisar Dinkin Duniya ta ce za ta janye dakarunta na wanzar da zaman lafiya da ke aiki a Lebanon wato UNIFIL, a tsakiyar shekarar 2027 mai zuwa.

Rundunar wadda aka kafa a shekarar 1978, ta gudanar da aikinta a kan iyakar Lebanon da Isra'ila, sannan kuma a baya bayan nan ta yi aiki da rundunar sojin Lebanon, wajen kwance damarar kungiyar Hezbollah, biyo bayan gwabza fada da sojojin Isra'ila.

Karin bayani : Isra'ila ta kai sabbin hare-hare Lebanon

Mai magana da yawun rundunar Kandice Ardiel, ta ce bayan cimma yarjejeniyar tsagaita wuta tsakanin Hezbollah da Isra'ila, a watan Nuwamban 2024, an rage dakaru 2,000 daga cikin tawagar, wadda yanzu haka ke da dakaru 7,500 daga kasashe 48 na duniya.