Shirin Nukiliya ya zama babban karfen kafa: Amurka ta dage kan cewa Iran ta yi alkawarin hana yaduwar makaman nukiliya da kuma kayyade shirinta na inganta makamashin Uranium, yayin da Iran ta ki yin watsi da abin da ta dauka a matsayin 'yancinta. An bayyana wannan batu a matsayin babban abin da ba a warware shi ba wanda ke hana duk wata yarjejeniya.

Takaddama kan takunkumi da sassauci: Iran ta bukaci Aurka ta gaggauta dage takunkuman karya tattalin arzikia da ke kanta tare da sakin kadarorinta da aka daskarar, Tehran ta kuma bukaci biyan diyya na asarar da yakin ya haddasa. Amurka ta bukaci Iran ta fara cika mata alkawuranta tukuna. Babu wani bangare da ya yarda ya fara aiwatarwa a farko.

Makomar mashigin ruwa na Hormuz: Iko da tabbatar da tsaro a mashigin Hormuz da ke zama mahimmiyar hanyar jigilar mai a duniya ya kasance babban batu da kasashen biyu suka gaza jutuwa a kansa. Amurka ta matsa don sake bude mashigin, Iran na amfani da mashigin a matsayin linzami.

Yakin da ke gudana da kuma rashin tsagaita wuta: Tattaunawar ta gudana ne a lokacin da aka tsagaita bude wuta na wucin gadi a cikin wani rikici mai cike da rudani, wanda ke sa sasantawa ta fuskar siyasa da na soji mai wahala. Rashin cimma matsaya yanzu yana barazana ga tsagaita wutar.

Rashin yarda da juna da bukatu masu yawa: Dukkan bangarorin biyu sun zargi juna da neman yi wa juna dabara, Amurka ta ce Iran ba ta son yin sulhu, yayin da Iran ta ce bukatun Amurka sun wuce gona da iri kuma ba masu yiwuwa ba ne a zahiri. Kiyayya na tsawon shekaru tsakanin kasashen biyu da kuma artabun sojoji tsakanin bangarorin biyu a baya-bayan nan ya haddasa shakku a tsakanin kasashen Iran da Amurka.

Tattaunawar ta ruguje saboda rashin cimma matsaya kan muhimman batutuwa kamar manufofin nukiliya da sassauta takunkumi da kuma ikon yanki, kuma babu wani bangare da ya shirya yin sulhu a karkashin yanayin yaki.