Jim kadan bayan shigowarta don jagorantar wani bikin bankwana ga tsohon ministan shari'a a birnin Berlin a wannan Alhamis, hoton bidiyon da aka dauka na bikin ya nuna yadda jikinta ke kadawa, a yayin da take kusa da shugaban kasar Jamus Frank Walter-Steinmeier.
Masu aiko da rahotanni sun ce sun ga Angela Merkel daram da kafafunta, tana takawa mintoci 30 bayan abin da ya faru a lokacin da ta isa a harabar majalisar dokokin Jamus ta Bundestag. Mai magana da yawun shugabar ya tabbar da cewa Merkel na nan daram, kana kuma za ta jagoranci rantsar da sabon ministan shari’ar kasar, ana kuma sa ran a karshen mako za ta halarci taron manyan kasashe masu karfin tattalin arziki na duniya G20.