Musayar Fursunoni
July 9, 2010Talla
Rasha da Amirka sun fara musayar Fursunoni masu leƙen asiri mafi girma tun kawo ƙarshen yaƙin cacar baka. Wani jirgin sama ya koma da Rashawa goma da aka zarga da yin leƙin asiri a ƙasar Amirka bayan da aka gabatar da su a kotu inda suka amsa aikata laifin. Ita ma Rasha ta saki Amirkawa huɗu da a da aka ɗaure don zargin yin leƙen asiri, ama suka samu afuwar shugaban ƙasa, bayan da suka amasa a rubuce laifin da ake zarginsu da aikatawa. Wannan musayar fursunonin dai an aiwatar da ita cikin gaggawa, a wani abinda masana ke ganin wani mataki ne na kaucewa dagulewar dangataka tsakanin Rasha da Amirka .
Mawallafi: Usman Shehu Usman
Edita: Halima Balaraba Abbas