Mutane 18 sun mutu wajen jana'aiza a indiya
January 18, 2014![Taron mutane lokacin jana'izar Muhammad Burhanuddin](https://static.dw.com/image/17371202_800.webp)
Talla
Kamfanin dillancin labarai na Press Trust na kasar ta Indiya, ya ce baya ga wanda suka rasu, hukumomi sun tabbatar da jikkatar mutane 40 a wajen jana'izar ta Muhammad Burhanuddin, wanda ya rasu a jiya Juma'a ya na da shekaru 102.
Wannan asarar rayuka da ma jikkata da aka samu a kasar ta Indya dai, na zuwa ne watanni kalilan bayan da wasu mutane 115 suka kwanta dama, sakamakon turereniya da aka yi a wani waje na bauta na mabiya addinin Hindu. Kana wasu daruruwa da suka rasu tsakanin shekarar ta 2008 zuwa 2011, batun da ya sanya mahukuntan kasar ke ci-gaba da nuna damuwarsu, dangane da wannan lamarin da ke faruwa daga lokaci zuwa lokaci a kasar.
Mawallafi: Ahmed Salisu
Edita: Usman Shehu Usman