Da fari dai allurar riga-kafin na tafiyar hawainiya, kafin daga bisani a samu ci gaba. Rahotanni sun nunar da cewa daga cikin alluran riga-kafin biliyan hudu da aka yi a duniya, Chaina ce ke da kaso mafi tsoka, inda aka yi wa mutane biliyan daya da miliyan 600 yayin da aka yi wa mutane miliyan 451 a Indiya a Amirka kuwa mutane miliyan 343 ne suka karbi allurar riga-kafin. A kasashe matalauta ma dai an fara samun riga-kafin, godiya ga shirin rarraba allurar na Covax da kasashe masu karfin tattalin arziki suka samar.