Mutane da dama sun rasu a wani wurin ibada a Indiya
August 10, 2015![](https://static.dw.com/image/18582700_800.webp)
Talla
Akalla mutane dubu 150 ne da suka ja layi, suka nemi shiga wurin ibadar da gudu lokacin da aka buda kofofinsa, abun da ya haddasa ture-ture, tare da tattake mutane da dama a cewar wata majiya ta 'yan sandar kasar Indiya. Majiyar ta kara da cewa, daga cikin mutane 10 da suka rasu akwai mace daya, sannan wasu mutane akalla 20 sun samu raunuka. A watan Yuli ma dai da ya gabata akalla mutane 27 ne suka rasu yayin wani ture-ture da ya wakana bakin wani tabki na Godavari da ke tsakiyar kasar ta Indiya inda dubunnan mutane ke zuwa yin wanka na al'ada.