'Yan bindiga sun sace mutane a Kaduna
November 22, 2021![Nigeria Abuja | Proteste | Entführte Studenten](https://static.dw.com/image/57716250_800.webp)
Talla
Rahotanni dai sun bayyana cewa 'yan bindigar sun yi awon gaba da dimbin matafiya a hanyar ta Kaduna zuwa Abuja. 'Yan bindigar dai sun tare matafiyan ne a garin Rijana, inda bayan harbe-harbe da manyan bindigogi masu garkuwa da mutanen dan neman kudin fansa suka halaka tsohon dan takarar gwamnan jihar Zamfaran a zaben 2019 da ya gabata Alhaji Sagir Hamisu. Wannan lamari dai ya sanya Zamfarawa mazauna Kaduna nuna rashin jin dadinsu, kan tabarbarewar tsaro a kan wannan hanyar. Sun kuma yi kira ga gwamnati kan ta kara himma wajen kawo karshen ayyukan 'yan bindigar.