A jawabin da shugaban hukumar ta INEC Farfesa Mahmoud Yakubu ya gabatar, ya bayyana cewa jam'iyyu 18 kacal suka samu tsira a yankan almakashin da INEC ta yi. Dalilin soke rijistar jam'iyyun dai, shi ne rashin tabuka wani abu a zaben bara, abin da kuma ya kai ga soke rijistarsu daga hukumar.

Farfesa Yakubu ya kuma fada wa manema labarai cewa, hukumar zaben ta tsara ranar 10 ga watan Satumban bana a matsayin ranar da za a gudanar da zaben gwamnan jihar Edo, sai kuma 10 ga watan Oktoba inda za'a yi zaben jihar Ondo.