A Kano da ke arewacin kasar, masu zanga-zangar sun yi kokarin kunna wuta a kofar ofishin gwamnan, inda ‘yan sanda suka mayar da martani ta hanyar amfani da hayaki mai sa kwalla. A  Abuja ma babban birnin kasar jami'an tsaro sun tarwatsa masu gangamin.

Najeriya, kasa mafi yawan al'umma a nahiyar Afirka, na cikin wani mawuyacin hali na tabarbarewar tattalin arziki shekaru da dama, biyo bayan sauye-sauyen da shugaba Bola Ahmed Tinubu ya yi, wanda ya hau mulki a watan Mayun shekara ta 2023. Masu zanga-zangar na yin kira ga shugaba  Tinubuda ya sauya wasu gyare-gyaren da ya yi, kamar dakatar da tallafin man fetur, kana ya kawo karshen wahala da  yunwa a kasar.