Alkalin kotun da ke jahar Kaduna, Justice Gideon Kurada ya ce malamin ba ya fuskantar barazana ta fannin lafiya da zai saka a bayar da belinsa kamar yadda ya nemi a yi.

Wannna dai shi ne karon farko da Malam Zakzaky ke baiyana a gaban kotu tun bayan arangama a tsakanin mabiyansa da jami'an tsaron Najeriya a Abuja a kwanakin da suka gabata, inda mutum fiye da arba'in suka rasa rayukansu.Tun a watan Disambar shekarar 2015 ne ake tsare da Zakzaky bayan wani artabu a tsakanin mabiyansa da sojojin kasar a garin Zariya na jihar Kaduna da ke arewacin kasar inda mutane da dama suka rasu.