Atiku Abubakar dai ya nemi kotun ta soke zaben shugaban kasar da ya bai wa Shugaba Muhammadu Buhari nasara. Abubakar da ya taba kasancewa mataimakin shugaban kasa, a yayin mulkin stohon shugaban kasar Olusegun Obasanjo ya kalubalanci zaben ne bisa zargin an tabka magudi. Da wannan hukuncin na kotu, ya tabbata cewa Shugaba Muhammadu Buhari ne ya lashe zaben shugaban kasar da aka gudanar cikin watan Fabarairun wannan shekarar. Buhari da ke da shekaru 76 a duniya ya kasance tsohon shugaban mulkin soja a Najeriyar, ya kuma dare kan karagar mulki a karkashin gwamnatin dimukuradiyya a shekara ta 2015 a wa'adi na farko, kafin ya sake tsayawa takara a wannan shekarar inda ya sake lashe zaben da ke cike da tababa.