Najeriya ta gano ma'aikatan boge dubu 50
December 28, 2016![Shugaban Najeriya Muhammadu Buhari](https://static.dw.com/image/18641987_800.webp)
Talla
Cikin wata sanarwa ce dai mai magana da yawun fadar shugaban kasar ta Najeriya Malam Garba Shehu ya tabbatar da hakan, inda ya ce kwatankwacin Naira miliyan dubu 200 da ake bai wa ma'aikatan na boge aka yi tsuminsu.
Sanarwar ta ce daga watan Fabrairu da ya gabata zuwa wannan wata na Disamba, an samu yin tsumi na Naira miliyan dubu 13 daga cikin albashin ma'aikata, yayin da binciken da aka aiwatar kan masu karbar kudaden ritaya, ya sa aka karbo wasu kudaden Naira miliyan dubu daya da miliyan daya a ko wane wata a tsakanin wannan lokaci a cewar Garba Shehu. Ya ce tuni aka mika mutane 11 daga cikin wadanda ke da hannu cikin lamarin a gaban hukumar da ke yaki da cin hanci ta EFCC.