Neman kawar da mamayar Isra'ila a Falasdinu
September 26, 2014![UN Vollversammlung 26.09.2014 - Mahmud Abbas](https://static.dw.com/image/17958369_800.webp)
Talla
Abbas ya ambata hakan ne a wani jawabi da ya yi ga babban taron Majalisar Dinkin Duniya, inda ya kara da cewar lokaci ya yi da za a baiwa al'ummarsu damar mike kafafunsu kamar na kowacce kasa.
Baya ga wannan ya kuma ce Falasdinu zata nemi hakkinta gaban shari'a game da laifukan yakin da ya ce Isra'ila ta aikata a Gaza lokacin da suka shafe kwanakin hamsin suna tafka fada a kwanakin baya.
Mr. Abbas ya ce ba za su taba yafe abinda aka yi musu ba kuma ba za su mance da kisan al'ummarsu sama da dubu biyu da aka yi ba a yakin wanda galibinsu fararen hula ciki kuwa har da mata da yara kanana.