Garin Inatas yana kan iyaka ne da kasar Mali inda ke da matsalar tsaro, bayan yan fashi da makamai da kuma rikici tsakanin al'umma a waje guda kuma ga 'yan ta'adda da masu ikrarin jihadi wadanda suka yi dandazo a yankin. 

A lokuta da dama dai idan aka sami matsalar tsaro ko yaki ana kashe mutanen da basu ji basu gani ba.

Dan majalisa dokoki Sa'adu Dillena jam'iyyar PNDS tarayya da ke mulki yace kafin aukuwar wannan lamari an sha kai hare hare da ke salwantar da rayukan dakarun tsaro a yankin.

Duk da mutuwar wadannan jama'a fararen hula wasu manazarta na ganin babu wani sauyi da za a samu a game da sha'anin tsaro da kuma aikin da sojoji ke yi a yankin