Kaiduka Abuba jigo a wani tsagi na jam'iyyar ta Lumana ya ce ba su ji dadin hukuncin ba, amma duk da haka yana fatan jam'iyyar za ta girgije kuma ta tunkari zaben kasar cikin nasara.

Wakilinmu na Yamai Mamman Kanta ya ce jam’yyar ta Lumana Afirka ta kwashe watanni tana fama da rikicin cikin gida a kan wanda ya kamata ya jagorance ta, abin ma ke nan da tun farko ya sa masu jayayya da juna a cikin jam’iyyar suka nufi kotu.