Shugaba Alassane Ouattara a wannan Alhamis din ya kawo karshen rade-radin da ake yi a game da ko zai sake tsayawa takarar neman kujerar shugabancin kasar a zabe mai zuwa a watan Oktoba..

" Yace na sanar a ranar da aka yi wa kundin tsarin mulki gyaran fuska cewa ba zan nemi wani wa'adin mulki ba. Saboda haka zan yi amfani da damar da na samu a yau cewa na yanke shawarar ba zan tsaya takarar shugabancin kasa a zaben 31 ga Oktoba 2020 ba, zan mika mulki ga masu karancin shekaru.”

A can baya dai Ouattara yace zai tsaya takara idan manyan abokin hamaiyarsa suka nemi tsayawa takara.