Firaministan na jawabi ne a daidai lokacin da Paparoma Francis ke ziyarar kwanaki uku a kasar ta Belgium.  Firaminista De Croo ya bukaci Paparoman da ya yi duk mai yiwuwa wajen dawo da martabar mutanen da aka zalinta tare da sanya muradunsu a gaba fiye da bukatun majami'ar.

Karin bayani: Fafaroma ya fara rangadi a nahiyar Asiya 

Masharhanta na kallon kalaman na De Croo kan Paparoma a matsayin cin fuska kuma hakan ya keta tsarin karrama bako da kuma martaba diflomasiyyar kasa da kasa a duk inda Paparoman ke ziyara.

Karin bayani: Vatikan ta yi bankwanan karshe da Paparoma 

A jawabin da ya gabatar a yayin ganawa da wadanda aka ci zarafinsu a Brussels, Paparoma Francis ya yi tir da mummunan al'amarin da ya faru a cocin na cin zarafin kananan yara.