Firaminista Abiy Ahmed na Habasha ya shaidawa manema labarai cewar Amirka ta jaddada aniyar cigaba da baiwa kasar goyon baya da hadin kai a al'amuran tsaro, duk kuwa da cewar tun bayan hawan Donald Trump shugabancin kasar Amirka kasashen Afirkan ke zarginsa da yin watsi da kasashen nahiyar.

Wani masani Vladimir Antwi-Danso a jami'ar kasar Ghana ya dora alhakin mafiya yawan matsalolin da suka addabi Afirka kan kutsen tsare-tsaren Amirka a harkokin tsaron kasashen Afirka, bayan bayyana ziyarar ta sakatare Pompeo a matsayin martanin cibiyar tsaro ta Pentago kan batun rage sojoji a Afirka da kuma sabbin tsare-tsaren izinin shiga kasar da suka shafi kasashen Najeriya da Sudan da Tanzaniya da kuma Iritiriya.