Ziyarar Pompeo a yankunan da ke iyakar Siriya da Isra'ila, na zama irinta na farko da wani sakataren harkokin wajen Amirka ya kai a hukumance zuwa yamma da kogin Jordan.

Mr. Pompeo ya ce gwamnatin Amirka za ta ayyana yunkurin Faladsinawa na jagorantar wasu kasashen duniya na kaurace wa Isra'ila a matsayin kyamar yahudawa.

Pompeo ya yi ikirarin haramtawa duk wata kungiya da ke da alaka yunkurin kyamar yahudawa samun tallafin kudaden gwammati, sai dai bai bayyana hakikanin kungiyar da matakin zai shafa ba.