Wata kafar yada labarai ta Rasha ta ce an yi arangama tsakanin dakarun Rasha da na Ukraine a wata tashar jirgin kasa, inda rahoton ya ce sojin Rasha sun fatattaki na Ukraine, sai dai ya zuwa yanzu babu wata kafa mai zaman kanta da ta tabbatar da wannan labarin.

Da safiyar wannan Lahadi, mai magana da yawun rundunar sojin Ukraine a kudancin kasar Natalie Gumeniuk ta ce Rasha ce ta haifar da harbe-harben da aka yi kuma dama ta ce ta sanar da yiwuwar faruwar hakan a kwanakin baya, inda ta kara da cewar an kitsa hakan ne don a zubar da mutuncin sojin Ukraine.