Rasha ta sake bude ofishin jakadancin ta a Burkina Faso, bayan rufe ofishin na tsawon shekaru 32 da suka gabata, sakamakon  takun saka da aka samu a wancan lokacin tsakanin Moscow da Ouagadougou.

Ma'aikatar harkokin wajen Burkina Faso, ce ta sanar da hakan a wata sanarwa da ta fitar, ta ce Rasha ta bude ofishin ta a birnin Ouagadougou, kuma jakadan Rasha a kasar Ivory Coast, Alexei Saltykov, shi ne zai jagoranci ofishin kafin fadar Kremlin ta turo sabon jakada.

Sanarwar ta kara da cewa, duk da an raba-gari na tsawon shekaru 32, amma kawai huldar cinikayya na tsawon wannan lokacin tsakanin kasashen biyu, kasancewar akwai danganta ka mai karfi tsakanin Rasha da Burkina Faso.