Jirgin farko makare da takin zamani na kasar Rasha ya bar kasar Netherlands a Talatar nan zuwa kasar Malawi. Ofishin sakatare janar na Majalisar Dinkin Duniya(MDD) da ya sanar da hakan ya ce wannan na a matsayin wani bangare na yarjejeniyar fitar da hatsi daga Ukraine da majalisar ta jagoranci kullawa a tsakanin Rasha da Ukraine. MDD ta ce za a raba takin zamanin a tsakanin kasashen Malawai da Mozambique.