Ukraine ta ce ta janye dakarunta ne domin ta tseratar da rayuwarsu bayan kwashe watanni ana gwabza kazamin fada. Shugaba Vladmir Putin na Rasha ya ce wannan nasara ce a gare su, inda ya jinjina wa dakarunsa.

Rasha ta ce har yanzu akwai sauran dakarun Ukraine da suka boye a yankin na Avdiivka da ke kasancewa wani bangare a manufar Rasha na samun cikakken iko da yankin Donbas.

Kafar talabijin ta Rasha ta nuna yadda aka daga tutar kasar sama bayan sauke ta Ukraine. A nata bangaren, Ukraine ta ce ba a samu asarar rayuka ba, sai dai kuma al'amura sun daidaita a garin tun bayan da ta janye.