Wakilan gwamnatin Rasha da ke iko da garin Enerhodar da ke cikin Ukraine sun zargi dakarun Ukraine da sake kai hari a kusa da cibiyar nukiliya ta Zaporizhzhia. 

A sanarwar da suka fitar a safiyar talatar nan, jami'an na Rasha sun ce hare-hare guda biyu Ukraine ta kai kusa da bangaren mai na cibiyar nukiliyar.

A cikin wannan makon hukumar Majalisar Dinkin Duniya da ke kula da makamashin nukiliya za ta ziyarci cibiyar domin gane wa idanunta abin da ke faruwa.