Sudan: Al'amura na kara rincabewa
April 28, 2023![Sudan | Khartum | Yaki](https://static.dw.com/image/65460002_800.webp)
Rahotanni sun nunar da cewa a yankin Darfur wanda da ma ya yi kaurin suna a rikici, likitoci sun bayyana mutuwar kimanin mutane 74 cikin kwanaki biyu da aka kwashe ana gwbza fada a birnin El Geneina. Ana dai hango yadda bakin hayaki ke tashi a babban birnin kasar Khartoum, a daidai lokacin da kasashen ketare ke kokarin kwashe al'ummominsu daga kasar da yaki ke ci gaba da daidaitawa. Tun bayan da yaki ya barke a tsakanin sojojin gwamnati karkashin jagorancin Janaral Abdel Fattah al-Burhan da kuma dakarun RSF karkashin jagorancin tsohon mataimakinsa kana abokin burminsa a yayin juyin muilkin da sojojin suka yi a kasar Mohamed Hamdan Daglo a ranar 15 ga wannan wata na Afrilu da muke ciki, ake ta kai kawon ganin an sasanta su amma abin ya ci tura.