Hukumomin Japan sun bayyana cewa jiragen ruwa hudu mallakar gwamnatin China sun kutsa tsibiran nan biyu da suke takkadama akai. Fadar mulki ta Tokyo ta ce tuni ta bukaci matukan jiragen na ruwa da su wuce daga tsibiran biyu saboda mallakar kasar Japan ne. Tun dai bayan da Japan ta ayyana tsibiran Senkaku a matsayin wani bangare na kasarta aka fara sa toka sa katsi tsakanin makobtan biyu.

Wannan dai ba shi ne karon farko da China ta keta shingen ruwa da ke tsakaninta da Japan ba. Hakazalika 'yan kasarta sun shafe kwanaki suna gudanar da zangar zangar yin Allah wadai da abin da suka kira yunkurin Japan na kwace musu wani bangare na kasarsu.

Mawallafi: Mouhamadou Awal
Edita: Saleh Umar Saleh