Lamarin ya auke ne da Yammacin jiya Asabar a wani kauye da ake kira Mugerna da ke a tazarar kilomita 15 daga Goma babban birnin lardin Kivu ta Arewa kamar yadda majiyoyi daga mahukuntan yankin suka tabbatar.

Karin bayani:  Kwango: Fada ya barke a Arewacin Kivu

Wata majiya daga rundunar tsaron Kwango da ta bukaci a sakaya suna ta shaidar da cewa rundunar sojan ta yi artabu ne da mayakan kungiyoyin sa kai da ake kira ''Wazalendo'' sai dai har yanzu ba a kai ga tattara alkaluma a game da yawan wadanda lamarin ya shafa ba.

Karin bayani:  Kawo karshen ayyukan rundunar MONISCO a Kwango

Wannan lamari na zuwa ne a daidai lokacin da ake gwabza fada da 'yan tawayen M23 da ke tayar da kayar baya a Arewacin Goma tare yin ajalin mutane da dama baya ga tilasta wa wadansu dubbai tserewa daga matsugunnensu.