Kwanaki kalinan gabanin bukukuwan Kirsimeti da na sabuwar shekara, matan aure masu sana'ar kwalliyar fuska da kitso da gyaran gashi na cin kasuwa a irin wannan lokaci.
Kkayan ado da kawata gidaje da wurare yayin bukukuwan KirsimetiHoto: DW/G. Hilse
Talla
Duk da yanayin karancin kudi da tsadar rayuwa dai, matan da suka rungumi wadannan sana'o'i na samun abun rufawa kansu asiri tare da taimakon mazajensu wajen yiwa yara kayan shagul-gulan bukukuwan Kirsimetin da sabuwar shekara domin karfafa soyayaya. Madam Blessing Toyin na da wani katafaren shagon kwalliyar fuska a kasuwar Barnawa Kaduna, ta nunar da cewa tana samun tururuwar mata a shagonta domin gyara fatar jikinsu. Ta ce ta wannan hanyar suke samun kudin ciyar da kai tare da daukar dawainiyar kulawa da sauran 'ya'yansu.
Kasuwannin Kirsimeti masu burgewa a Jamus
Kasuwannin Kirsimeti sun kasance tun tsawon lokaci a Jamus. Ana kafa tantuna domin sayar da abubuwa masu ban sha'awa har ma da abinci har dubu biyu da 500 duk shekara. Ga wadanda suka fi birgewa.
Hoto: Essen Marketing GmbH
Kasuwar Striezel ta birnin Dresden
Kasuwar Kirsimeti da ta fi dadewa a Jamus, ita ce Striezel da aka fara yin ta a shekara ta 1434. A ranar 23 ga watan Nuwambar da ya gabata, aka bude kasuwar karo na 588. ya kamata masu ziyara su dandana kayan kwalam da makulashe da ababen sha na Dresden da Striezel.
Hoto: picture alliance/dpa/dpa-Zentralbild
Kasuwar Christkindles ta birnin Nuremberg ta dawo
A al'adance, kasuwar Christkindles na budewa a ranar Jumma'ar farko ta karshen makon farko na fara shirye-shiryen bikin Kirsimeti da ake farawa a karshen watan Nuwamba na kowacce shekara. Birnin Nuremberg guda ne cikin manyan biranen Jamus da ke karbar bakuncin mutane miliyan biyu, kafin annobar corona. Bayan hutu na shekaru biyu, a bana an sake bude ta.
Hoto: picture alliance/Geisler-Fotopress
Kasuwar Kirsimeti ta Cologne da ta fin yin fice a Jamus
Daya daga cikin kasuwannin Kirsimetin Jamus da ake bayar da labari, ita ce ta Cologne da ke gudana a gaban babbar majami'ar birnin. Da mutane sama da miliyan hudu da ke ziyarta a duk shekara, wannan kasuwa na kan gaba cikin takawarorinta. Masu shirya kasuwannin, na jaddada bukatar dorewa.
Hoto: picture alliance/Panama Pictures
Abin al'ajabin Kirsimeti a gaban ofishin gudanarwa na birnin Berlin
A wannan shekara, kasuwannin Kirsimeti kimanin 60 aka bude a Berlin. Kasuwar Kirsimeti da ke gaban ofishin gudanarwa na birnin, guri ne da ya kamata a ziyarta. Akwai tarin kayan wasa da suka hadar da wanda zai ba ka damar ganin baki dayan birnin da kuma wajen zamiyar kankara baya ga kayan kwalam da makulashe.
Hoto: Janina Mähliß
Kasuwar Kirsimeti ta birnin Leipzig na gudana cikin al'ada
Kasuwar Kirsimeti ta birnin Leipzig na gudana, a tsakiyar birni da ke da tsohon tarihi tun karni na 15. Hakan ya sanya ta zama guda daga cikin tsofaffin kasuwannin Kirsimeti a Jamus, kuma tana da rumfuna kimanin 300 abin da ya sa ta zama guda cikin wadanda aka fi ziyara. Kar ka sake a ba ka labarin kidan gargaji da ke tashi, a ofishin hukumar gudanarwar yankin kullum.
Hoto: picture alliance/dpa
Kasuwar Kirsimeti ta Lübeck
Kasuwar Kirsimeti ta Lübeck na da al'ada ta sama da shekaru 400, kuma ana shirya ta a tsakiyar gine-ginen birni mai tsohon tarihi. Daya ne daga cikin biranen Hukumar Ilimi da Kimiyya da Al'adu ta Majalisar Dinkin Duniya UNESCO. Ana bude kasuwar a ranar 21 ga watan Nuwambar kowacce shekara. Akwai kayan kwalam da makulashe da na shaye-shaye, ana samun wasunsu a Jamus da Turai har bayan Kirsimeti.
Hoto: picture alliance/dpa
Bishiyar Kirsimeti mafi girma ta Jamus a birnin Dortmund
Masu sha'awar kasuwar Kirsimeti, kullum suna murna da bishiyar Kirsimeti ta birnin Dortmund. Kasuwar Kirsimetin ta shekara-shekara, na bayyana bishiyar Kirsimetin mai tsawon mita 45 mai ganyyaki 1000 da aka yi wa kwalliya da fitulu da sauran kayan kawa 500. Akwai tarin rumfuna na sayar da kayan kwalam da makulashe da ma na ado da aka sarrafa da hannu.
Hoto: picture alliance/dpa
Kalolin abincin duniya a birnin Essen
Wani abu ga kowa a kasuwar Kirsimeti ta birnin Essen da ke da rumfuna sama da 250 da mutane za su samu kayan kawa da zane-zane da aka sarrafa da hannu shi ne, abinci kala-kala daga sassan duniya baki daya. Kari kan hakan, a wannan shekara ta 2022 kasuwar ke cika shekaru 50 da kafuwa, abin da ya sanya ta zaama shekara mai muhimmanci.
Hoto: Essen Marketing GmbH
Kirsimeti a kan ruwa a Lindau
Hoton kasuwar Kirsimeti ta "Harbor Christmas" a garin Lindau da ke Tafkin Constance na da rumfuna masu yawa da ya kamata a kai ziyara. Ana yin abubuwa masu kayatarwa. A ranar Asabar da ta biyo bayan ranar Saint Nicholas, shararrun masu linkaya a hunturu, na yin nutso a cikin tafkin da ruwansa ke da matukar sanyi.
Hoto: Miles Ertman/robertharding/picture alliance
Hotuna 91 | 9
Wannan kasuwa ta kirsimeti na bai wa mata masu kananan sana'o'in hannu damar samun kudin daukar dawainiyar kulawa da 'ya'yansu da mazajensu, domin rage fatara da talauci tare da magance matsalar zaman rashin aikin yi. Madam Mary James Okoro matar aure ce da ke da wani katon shagon kitso da wanke kai na mata irin na zamani a Kadunan Najeriya, ta ce wannan lokacin na taimaka musu wajen samun abin rufawa kai asiri. Ta kuma karfafawa mata gwiwar rungumar kananan sana'o'in dogaro da kai. Yayin da 'yan mata ke zuwa wuraren yin kwalliya da gyaran fatar jiki a irin wannan lokacin na kokawa da tsadar kayayyaki sakamakon hauhawar farashin kudin kasashen ketare da ke shafar harkokin kasuwancin Najeriya, a bangare guda samari na tserewa 'yan matan ne a irin wannan lokacin saboda tsadar rayuwar.
