Sarki Salman ya amince ministoci su yi taro ko da baya nan
August 8, 2024![](https://static.dw.com/image/69125195_800.webp)
Talla
Sarkin na Saudiyya mai shekaru 88 na fama da rashin lafiya, inda a watan Mayun da ya gabata aka yi masa aiki na musamman a huhunsa, lamarin da ya tilasta wa Yariman Mohammed Salman dage ziyarar aikin da ya so kai wa kasar Japan.
Yariman Mohammed bin Salman mai shekaru 38 ne dai ke tafiyar da kusan manyan al'amura na shugabancin Saudiyya tun daga shekara ta 2017, lokacin da mahaifinsa ya ayyana shi a matsayin magajinsa.
A shekara ta 2022 ne kuma, sarkin na Saudiyya ya nada dan nasa mukamin firaminista, lamarin da ya kara wa matashin karfin ikon juya akalar kasar mafi karfin arzikin mai a duniya.