Rayyana Barnawi ita ce mace ta farko 'ya kasar Saudiyya da ta fara irin wannan balaguro na zuwa sararin samaniya kuma tare da abokan aikinta hudu za su gudanar da bincike-bincike akalla 20 a tsawon lokacin da za su share a cibiyar NASA.

Kafin tashin kunbon mai lakabin Dragon, Rayyana Barnawi masaniya a fannin kimiyya ta bayyana wa manema labarai farin cikinta na kasancewa mace 'yar kasar Saudiyya ta farko kuma mace ta farko a yankin kasashen larabawa da za ta taka duniyar sararin samaniya.

Ko baya ga Rayyana Barnawi akwai kuma wani mutum guda shi ma dan kasar Saudiyya da ke cikin tawagar 'yan sama Jannatin hudu da suka tashi zuwa sararin samaniya.