Mai magana da yawun dakarun Saudiyya a Yemen, Turki al-Maliki, ya yi zargin cewa mayakan Houthi ne suka dano jirgin kuma dakarunsa ba su yi wata-wata ba wajen lalata shi.

Wannan ikirari da kawancen na Saudiyya ke yi na zuwa ne kwana guda bayan da Shugaban Amirka Joe Biden ya sanar da cewa zai janye sunan kungiyar Houthi daga cikin kungiyoyin ta'addanci na duniya. Ga shi kuma gwamnatin Amirkar ta ce daga yanzu za ta dakatar da janye tallafa wa kawancen Saudiyyar da ke yaki a kasar ta Yemen.