Kamfanin dillancin labaran Saudiyya SPA ya rawaito mai magana da yawun dakarun hadin gwiwa Turki al-Malili na cewar an tsawaita wa'adin ne bisa bukatar manzon musamman na Majalisar Dinkin Duniya Martin Griffiths, domin samun damar ci gaba da tattaunawa.

Har wa yau daukar wannan mataki na da nasaba da kokarin da ake yi na ganin an dakile yaduwar cutar Corona a wannan wata na azumin Ramadana.