SiyasaTurai
Ukraine: Turai ba za ta iya rayuwa babu gas daga Rasha ba
March 11, 2022![Frankreich | EU Gipfel in Versailles | Olaf Scholz](https://static.dw.com/image/61101901_800.webp)
Talla
Shugaban gwamnatin Jamus Olaf Scholz ya ce Turai na kan aikin yadda za ta rage dogaro da man fetur da iskar gas na Rasha. Kalaman nasa na zuwa ne a tsakiyar dagulewar alaka tsakanin Turai da Rasha sakamakon kutsen da dakarun Rasha suka yi wa Ukraine. Sai dai Scholz ya ce katse sayen makamashi a hannun Rasha da gaggawa zai yi wa Turai wahala, abu ne da ke bukatar a yi shi a cikin lokaci.
Shugaban na gwamnatin Jamus ya yi wannan bayani ne a taron manema labarai bayan ganawarsa ta wannan Jumma'a da shugabannin Kungiyyar Tarayyar Turai a Faransa.