Shari'a waɗanda suka yi fyaɗe a Indiya
January 3, 2013![Indian students and teachers shout anti-government and police slogans as they demand the resignation of the Delhi Chief Minister Sheila Dikshit during a protest in New Delhi on December 21, 2012, following the gang-rape of a student. Indian police have arrested the driver and four others of a bus after a student was gang-raped and thrown out of the vehicle, reports said, in an attack that has sparked fresh concern for women's safety in New Delhi. AFP PHOTO/ RAVEENDRAN (Photo credit should read RAVEENDRAN/AFP/Getty Images)](https://static.dw.com/image/16473226_800.webp)
Talla
Mutanen guda shidda waɗanda galibi suke yin rayuwa a yankunan na yaku bayi na birnin New Delhi na iya fuskantar hukumcin kisa idan aka same su da laifi.Sai dai rahotannin na cewar ɗaya daga cikin su wanda ake kyautata zaton cewar bai kai mizanin fuskantar shari'a ba saboda bai cikka shekaru 17 da haifuwa ba,yanzu haka likitocin na gudanar da gwaje gwaje a kan sa domin haƙiƙance addadin shekarunsa.
Masu aiko a rahotannin sun ce babu wasu lauyoyi da suka fito cewar zasu kare waɗannan matasa a gaban shari'a.Kisan dai na dalibar yar shekaru 23 ta hanyar fyaɗe da dukan da suka yi ma ta a cikin wata motar bus a makon jiya, na ci gaba da janyo jerin zanga zanga a ƙasar ta Indiya.
Mawallafi : Abdourahamane Hassane
Edita : Saleh Umar Saleh