Shari'ar manyan hafsoshin soji a Sudan
March 17, 2013![Sudan's President Omar al-Bashir attends the African Union summit in Addis Ababa, Ethiopia, Sunday, July 15, 2012. Delegates at the African Union summit are likely to focus attention on continuing hostilities between Sudan and the year-old state of South Sudan. (Foto:Elias Asmare/AP/dapd)](https://static.dw.com/image/16099248_800.webp)
An ƙaddamar da wata shari'a ta soji a ƙasar Sudan, inda aka gurfanar da wasu dakarun sojin da ake zargin da yunƙurin hamɓarar da gwamnatin ƙasar a bara.
A watan Nuwamban shekarar 2012 ne gwamnatin ta sanar cewa ta cafke wasu mutane 13 a ciki har da wasu manyan jami'an tsaro da tsohon jami'in leƙen asiri, inda ake zarginsu da yunƙurin haddasa husumi a ƙasar da kuma kai hari kan wasu manyan jami'an gwamnati.
Daga cikin waɗanda suka gurfana a gaban kotun yau, akwai Birgadiya Mohammed Ibrahim wanda ya taka muhimmiyar rawa a juyin mulkin da aka yi a ƙasar a shekarar 1989 wanda ya ɗora shugaba Omal al-Bashir mai ci, kan kujerar mulkin ƙasar.
Masharhanta sun ce afkuwan wannan na nuna alamun cewa ana samun ruɗani a gwamnatin na al-Bashir a yanzu haka.
Kawo yanzu dai, Sudan ta fuskanci juyin mulki da yunƙurin juyin mulki sau bakwai a tarihinta mai tsawon shekaru 56
Mawallafiya: Pinaɗo Abdu Waba
Edita: Zainab Mohammed Abubakar