An fara dasa ayar tambaya kan makomar tawagar Argentina da ma tasirin kwallon kafa a duniya, tun bayan da shararren dan wasa Lionel Messi ya sanar da ritaya daga takawa kasarsa leda a matakin kasa.
Dan wasan Argentina Lionel Messi ya yi bankwana da kwalloHoto: Franck Fife/AFP
Talla
Lionel Messi mai shekaru 39 ya shafe tsawon shekaru 21 yana taka rawa a wasan kwallon kafa a Argentina, inda ya zura kwallaye 125 a wasanni 207 da ya bugawa kasar. Bayan rashin nasarar Messi wajen tabbatar da mafarkin sake daga kofin duniya a 2026, akwai alamar tambaya kan ko dan wasan zai ja dogon zango yana murza kwallo. Sai dai kalaman dan wasan bayan rasuwar mahafinsa, sun kara tabbatar da hasashen.
Lashe kambu uku
Ya kuma ja ragamar kasarsa, ta lashe gasar Copa Amerca har sau biyu da kuma daga kofin duniya a 2022. 'Yan wasa kamar Julian Alvarez da Lautaro Martinez da Alexis Mac Allister da Enzo Fernandez na daga cikin wadanda ake sa ran za su dauki karin nauyi a tawagar Argentina, bayan tafiyar Messi. Yanzu za a iya cewa kallo ya koma ga Lionel Scaloni mai horas da 'yan wasan na Argentina, kan jan aikin da ake tunani ke gabansa da tawagarsa.
Bayan rasuwar mahaifinsa, Messi ya fara nunaa "babban shakku" game da ci gaba da taka leda kafin ya ya da kwallo don rabuwa da kuda." DW ta duba tarihin wannan gwarzon dan wasan kungiyar Barcelona da tawagar Ajentina.
Hoto: Brett Davis/IMAGN Images/REUTERS
Fara tashensa a Barcelona
Bayan fara taka leda a kasarsa Argentina, Messi ya shiga makarantar horas da matasa ta Barcelona a 2001 yana shekara 13. Ba da dadewa ba aka daukaka shi a babban tawagar kungiyar, inda ya fara wasa a gasar La Liga a watan Oktoban 2004 yana da shekaru 17. A watan Mayu na 2025, ya zura kwallon farko kuma ya lashe kambun farko a kakar wasansa na farko, yayin da Barcelona ta lashe La Liga a 2004-05.
Hoto: PanoramiC/IMAGO
Ya fara nuna bajinta a kuruciya
Messi ya ja hankalin duniya yayin da Argentina ta lashe kofin duniya na 'yan kasa da shekaru 20 a Netherlands. Lokacin yana da shekaru 18, ya yi fice matuka a gasar, inda ya lashe kyautar gwarzon dan wasan gasar da kuma wanda ya fi kowa zura kwallaye a raga da kwallaye 6. Ba a dauki lokaci mai tsawo ba kafin ya fara daukar hankalin duniya a matsayin dan wasan babban tawagar kasar Argentina.
Hoto: Pics United/BSR Agency/IMAGO
Fara buga gasar cin kofin duniya a Jamus
Messi ya fara buga wa Argentina a wasan sada zumunta da Croatia yana shekaru 18. Yana cikin 'yan wasan Argentina a gasar kofin duniya na 2006. Ya shiga fili a matsayin dan canji a wasan da Argentina ta doke Serbia da Montenegro da ci 6-0, kwallon da ya ci a minti 88 ta sa ya zama dan wasa mafi karancin shekaru a Argentina da ya taba zura kwallo a kofin duniya.
Hoto: Laci Perenyi/IMAGO
Gwarzon dan wasan kwallon kafa na Turai na shekara
A shekarar 2009, Messi ya lashe kyautar Ballon d'Or ta farko a matsayin Dan Wasan Kwallon Kafa na Turai na Shekara, shekara guda bayan Cristiano Ronaldo ya lashe tasa ta farko. Wadannan fitattun 'yan wasa biyu sun mamaye wannan kyauta na tsawon shekaru. Messi ya lashe sau takwas, inda ya lashe ta karshe a 2023. Ronaldo ya lashe sau biyar kacal, inda ya lashe ta karshe a shekarar 2017.
Hoto: PanoramiC/IMAGO
Abokin hamayyar Classico
Messi da Cristiano Ronaldo su ne manyan 'yan wasa a cikin shekaru 20 na farko na Millennium, galibi suna fuskantar juna a gasar La Liga ta Classico tsakanin Barcelona da Real Madrid. Masoya da kwararru har yanzu suna muhawara kan wanne daga cikin biyun ya fi dacewa da duka 'yan wasa. Abin da za su iya yarda da shi ne cewa duka biyun suna cikin manyan 'yan wasa na kowane lokaci.
Hoto: Manu Fernandez/AP Photo/picture alliance
Ya daga kofin zakarun Turai na hudu
Yana cikin kololuwar taka-ledarsa a shekaru 27, Messi ya taimaka wa Barcelona lashe gasar Champions League a 2014-15. Duk da cewa bai zura kwallo a wasan karshe a karawa da Juventus a birnin Berlin ba, amma d ya taka rawar gani. Wannan shi ne kofinsa na hudu kuma na karshe a gasar, daga baya ya jagoranci Barcelona lashe kofunan La Liga uku.
Hoto: Cosmin Iftode/Depositphotos/IMAGO
Hukuncin laifin kin biyan haraji
A shekarar 2016, an same Messi da mahaifinsa da laifin kin biyan haraji a Spain, amma sun tsira daga zaman gidan yari kasancewar hukuncin bai kai shekaru biyu ba. Jorge Messi ya taka rawa a rayuwar dansa ta kwallon kafa, inda yayi masa aiki a matsayin wakili tare da kula da harkokin kasuwancinsa. Shi ne kuma ya raka shi Spain domin gwajin shiga makarantar horar da 'yan wasa ta Barcelona a 2001.
Hoto: Alberto Estevez/REUTERS
Kofin farko da ya lashe tare da Argentina
Yayin da Messi ya mamaye gasar kofin duniya ta 'yan kasa da shekara 20 kuma ya lashe lambar zinare ta Olympics da Argentina a 2008, ya dade yana jin takaicin rashin nasara da kungiyar manyan 'yan wasa. Kofinsa na farko na manyan 'yan wasa da Argentina ya zo ne kawai a 2021, lokacin da "la Albiceleste" ya lashe gasar Copa America.
Hoto: Richard Callis/Sports Press Photo/IMAGO
Daukakar Kofin Duniya
Gasar Copa America ta daukaka Messi da Argentina ta hanyar lashe Kofin Duniya na 2022 bayan doke Faransa a bugun daga fenarirti a wasan karshe. Messi ya zura kwallaye biyu yayin da aka tashi wasan da ci 3-3 bayan karin lokaci. Messi ya zura kwallonsa a raga yayin da Argentina ta doke Faransa da ci 4-2 a bugun daga kai sai mai tsaron gida. An zabi Messi a matsayin gwarzon dan wasan gasar.
Hoto: Matthias Koch/IMAGO
Ya lashe kofunan Ligue 1 guda biyu tare da PSG
Duk da tayin da Messi ya yi na ci gaba da buga wa Barcelona wasa da rabin albashinsa, kungiyar ta sake shi saboda tsimi. Kwanaki biyu bayan ya sanar da barin Barcelona, Messi ya rattaba hannu kan kwantiragin shekaru biyu tare da Paris Saint-Germain. Ya lashe kofunan Ligue 1 guda biyu a babban birnin Faransa kafin ya sake sauya sheka.
Hoto: SARAH MEYSSONNIER/REUTERS
Babban tasiri a Amurka
A watan Yulin 2023, Messi ya amince da kwantiragin da zai kare a karshen shekarar 2025 a Inter Miami. An zabe shi a matsayin gwarzon dan wasa na MLS a 2024 da 2025, kuma ya lashe kyautar takalmin zinare a 2025 bayan zura kwallaye 29 a wasanni 28. Haka kuma, ya jagoranci Inter Miami lashe kofin MLS na 2025, wanda shi ne karon farko da kulob din ya lashe gasar.
Hoto: Leonardo Ramirez/aal.photo/IMAGO
Mutuwar Jorge da kuma tunanin yin ritaya
A wajen filin wasa, labarin mutuwar mahaifinsa Jorge a ranar 8 ga watan Agusta, 2026, ya girgiza Messi matuka. Messi ya koma garinsu na Rosario, Argentina domin halartar jana'izar Jorge, kuma a kwanakin da suka biyo baya, ya bayyana a fili cewa ba ya son ci gaba da buga kwallon kafa na tsawon lokaci.
Hoto: Luis Robayo/AFP
Hotuna 121 | 12
Jingine takalman Messi ba ya nufin Argentina za ta yi faduwar bakar tasa, ko rasa kwarewa gaba daya ba. A karkashin Scaloni kasar ta samu nasarori mafi girma a tarihinta a baya-bayan nan, har ma ta lashe Copa America a 2021 ta kuma dauki kofin duniya a Katar a 2020 kafin ta sake lashe Copa América a 2024. Saboda haka, kalubalen ba wai sake gina kungiyar daga tushe ba ne.
Sauya akalar wasa
Yanzu dai tambaya daya ita ce, lagon da Argentina za ta yi amfani da shi wajen kare matsayarta a duniyar tamaula bayan ritayar Messi. Abin da ake bukata shi ne, a sauya tsarin daga kungiyar da ke da Messi a tsakiyarta zuwa kungiyar Argentina da ke raba nauyin jagoranci da kirkirar dama tsakanin 'yan wasa masu yawa.
