Dan takarar da jamiyar adawa ta SPD ta tsayar  a zaben gama gari da zai gudana a shekara mai zuwa a Jamus Peer Steinbrück  ya ce  jam'iyar ba zata yi kawance da ta CDU dake mulki ba  in har ta sha kayi a zaben da zai gudana shekara mai zuwa.  Steinbrück ya ce ba  zai fuskanci taranaki wajen cimma manufofinsa a duk wata  gwamnati  da Angela Merkel zata jagoiranta. 

Ya fadin haka ne  a babban taron da jamiyarsa ta SPD ta gudanar a garin Münster  dake nan jihar Nordrhein Westphalen.  Steinbrück ya kuma jaddada cewa babu wata baraka da za a samun tsakanin shi da Sigmar Gabriel  da Frank Walter  Steinmeier dake jan ragamar jam'iyar.

Mawallafi: Halimatu Abbas
Edita: Mouhamadou Awal