Shugaba Zelenskyy ya gabatar da jawabi ne a gaban 'yan majalisar Amirka, jim kadan bayan kammala taron manema labaru da suka yi da Shugaba Joe Biden.

Shugaban na Ukraine ya ce kasarsa ta samu galaba a kan Rasha a yakin da take yi a madadin kasashen duniya.

Wannan ne ziyarar farko da Shugaba Zelenskyy ya kai wata kasar duniya, tun lokacin da Rasha ta afka wa kasar cikin watan Fabrairu.

Daga nashi bangare, Shugaba Joe Biden na Amirka, ya ce kasarsa na tare da Ukraine kuma za ta ci gaba da taimaka mata a halin da ta samu kanta.

Mr. Biden ya kuma yi alkawarin bai wa Ukraine karin tallafi na tsaro da ya kai na dala biliyan daya da miliyan 800, ciki har da wasu sabbin makaman kare kai masu linzami.