Gwamnatin kasar Colombiya ta kafa dokar ta baci kan tattalin arzikin kasar, abin da zai bai wa Shugaba Gustavo Petro damar amfani da dokokin da ya kafa kai tsaye na haraji domin magance matsalolin da ake fuskanta na samar da kudin tafiyar da asibitoci da bashin da ya yi katutu kan rundunar sojan kasar.

Dalilan kafa dokar ta-bacin

Shugaba Petro ya kafa wannan dokar bayan dokar haraji da yake bukata ta gaza samun amincewar 'yan majalisar dokokin kasar.

A wannan shekara ta 2025 mai karewa akwai kasafin kudi na kimanin dala bilyan 134, sannan gwamnati ta kara dala bilyan hudu a kan wannan kudi a matsayin kasafin kudin shekara mai zuwa ta 2026, abin da majalisar dokoki ta saka kafa ta yi fatali da shi, saboda karin harajin da ake bukata kafin aiwatar da kasafin kudin.

Tuni 'yan kasuwa suka caccaki matakin gwamnatin kasar ta Colombiya da ke yankin Latin Amurka kan wannan dakar ta-baci a bangaren tattalin arziki.