Sabbin nade-naden sun hada da Janar Raymond Jean Charles Beko'o Abondo a matsayin shugaban masu tsaron fadar shugaban kasa, karo na farko da janar ke rike da wannan mukami.

Biya mai shekaru 93, wanda ya shafe kusan watanni biyu ba a gan shi ba, ya kuma nada sabon mataimakin babban hafsan tsaron kasar.

Sai dai gwamnatin Kamaru ta ce lafiyar shugaban ba ta tabarbare ba, kuma zai dawo kasar nan ba da jimawa ba, duk da cewa 'yan adawa na cewa rashin bayyanarsa ya haifar da gibi a shugabancin kasar.